منتدى احلى اصحاب
اهلا ومرحباً بكم في منتديات احلي اصحاب
بحـث
 
 

نتائج البحث
 


Rechercher بحث متقدم

سحابة الكلمات الدلالية

المواضيع الأخيرة
» ترحيب ب ضى القمر
الأحد 07 ديسمبر 2014, 10:15 pm من طرف ضى القمر

» ( البشر لديهم حواس خمس )
الأحد 26 يناير 2014, 12:50 pm من طرف samah

» تحميل القرآن الكريم للموبايل الصينى
الأحد 22 سبتمبر 2013, 11:17 pm من طرف عاشق الروح

» (( الأناشيد الدينية ))
الأحد 22 سبتمبر 2013, 11:13 pm من طرف عاشق الروح

» (( إعلان هام ))
الجمعة 24 مايو 2013, 8:48 am من طرف عاشق الروح

» ( كيفية تكبير الصدر )
الإثنين 29 أبريل 2013, 8:20 am من طرف مخصص التقنيه

» ( دعيني أقبل حروف أسمك )
الخميس 25 أبريل 2013, 4:41 pm من طرف عاشق الروح

» 7 مواقف للرجل تبرر غيرة المرأة
الخميس 25 أبريل 2013, 3:42 pm من طرف عاشق الروح

» (( شيء من الخوخ ))
الخميس 25 أبريل 2013, 12:10 am من طرف عاشق الروح

نوفمبر 2017
الإثنينالثلاثاءالأربعاءالخميسالجمعةالسبتالأحد
  12345
6789101112
13141516171819
20212223242526
27282930   

اليومية اليومية

التبادل الاعلاني

انشاء منتدى مجاني



التبادل الاعلاني

انشاء منتدى مجاني




( زجل عن الشات بين الشباب والبنات )

استعرض الموضوع السابق استعرض الموضوع التالي اذهب الى الأسفل

( زجل عن الشات بين الشباب والبنات )

مُساهمة من طرف عاشق الروح في الجمعة 28 أكتوبر 2011, 11:05 am


زجل عن الشات بين الشباب والبنات
------------------


فى الشــــــــــــات

صـــور واســـــماء مســــتعارة ....


ســـــــــــوق وهيصـــــــــــــــــــة


الحــــــــــــــــــوار من غير عبـــــــــــارة


كــــــــلوا بيهرتل ويكتب


دقدقة ورشــــة نجارة


الكـــــلام مالهوش معـــانى


و الحـــروف وكلاها فارة


مسعدة صبحت بهيــــــــة


وستهم صبحت سمارة

وابتهال سموها توتو


وسيدة قال كاتبه سـارة


ساقطة دبلوم التجارة



فى التعارف قال تقولك


دارسه اعلام واستشارة


الوظيفه .........قال تقولك


شغلونى فى السفارة


قلت ليه اتعب دماغى ؟؟!


مالها شغلانة فى عمارة ...... !!


على الشــــــاتات


البنات خلوها سلطة


والكلام فيه استعارة


اللى جاية باسم سمكة


واللى بطيخة وخيارة


غيروا كـل المعانى


قالوا عالتهييس شطاره


على البنات مليون خسارة


والشباب بقه كله قاعد


على الشاتات من غير وظيفه


الجيوب دايما نظـــــــيفه


والمرقـــــــــــع والمبقـــــــــــع


شاشه ومخبيه جيفة


القميص تاهت معامله


والشراب بقه كله ريحة


اف من ريحة الشراب


إف من خيبة شباب


اف من افعال سخيفة


الصور صبحت مخيفة


سمعه سمى روحو اوشو


فتلة سمى روحو ريشه


كل واحد خلف صورة


مخبى ميت مليون حقيقة


اللى صايع واللى ضايع


واللى ساقط ف الصنايع


واللى هربان من مصيبة


المظاهر مش بريئة


اللى عــــــــــــــــامل روحــــــــو رميو


بيهبش البنت فى دقيقــــــــــة


وفى ثوانى يحب غيرهــــــــــا


وكل بنت وليها قصــــــــــــــــــــة


اللى فهمها انه ضابط


فى سجون مصر الغريقـة


واللى اوهمهــا انا واحد


يقفل البورصة فى دقيقة


والبنات جايه تصـــــدق


تنبهـــر بعيون بريئة


لو تدور على الحقيقة


هتلاقية عاطل وقاعـــــــــد


فى الخـــداع بقــه شــيخ طــريقة


يابنات اصحـــوا شـوية


الشـــــــــاتات دى بحور غريقـــــــــة


اســــــــــأليــة لو يرضـــى لاختـــــه


ترتكـــــــب على الشـــــــــــــــــات خطيئة؟؟؟!


قــــــــــــرد قاعـــــــــــــد خلف شاشــــة


يقنعك بحجات كتيرة


بالجــــــــــواز وسنين جميله


تبدئى معـــــــــاها التنازل


وتقولى له فى بشــــــاشة ........


روح لبابا ........


وهو حاضر روميــــــــــو بقه مغرم صبابا


وفى دقيقة روميو يجرى


بس إيه هيقول لبابا ..........


شفتها عالشـــــات ياعمو ؟؟


طب يا ابنى .. جى تطلب بنتى منى ؟؟


قولى ايه تقـــدر تقدم ....؟


احـــنا يابنى ناس غلابه


روميـــو هايبحلق ويسكت


وفى لحظة ينطق بص يابا ,,,,,,,


مؤهلاتى انى قاعد .. ليل نهار عالشات ياعمــــو ..


اختــــرعت حجات خطيرة !!!


الفلودات الكتيرة والبرامج !!


والشتايم عالشتات انا نجم دايم


قلت عالزوار بهايم


زغرطى يا ام العروسة


العريس سكران وهايم


الحياة مش شـــــــــــات ياعالم


الصراع محتاج عزايم


مش شباب باع القضيـــــة


وقضـــى طــول العمــر نايم


غيرو معنى الحضــــــــــارة


القيم فى الزحمة تاهت


الف ميت مليون خسارة


الفولد سموه شطاره


واللى يعرف يشتم اكتر


يبقى جن وواد شرارة


زى ميدو وزى صاصا



اللى ضرب الواد فظاظا


بالفلود عشرين رصاصه


ياخساره ,,,,


على الشباب لما يضيع


عمره ف شوية مياصة


ع البنات قاعد يهيس


بالحروف يكتب نجاسة


البنات ناسية الحياء


والشباب عايش انتكاسة


ليل نهار على النت قاعد


ناسى حتى فرض ربه


الصلاة مابقتشى فرضه


همه بس البت بيسه


اللى كات بتحب عيسى


قبل مايعلقها ميشو


اللى كان بيحب شوشو


اللى ساكن روم تملى


تلقى فيه بنتين فريسه


بنت حاطة فيونكة حمرا


وبنت بيضا وبنت سمرا


البنات نسيت حيائها


الحروف فى عنيها خمرا


و الشاتات صبحت رزيله


زى اسواق النخاسه


الشاتات صبحت وسيله


للضياع و للتعاســـــــــــــة
avatar
عاشق الروح

عدد المساهمات : 360
تاريخ التسجيل : 06/01/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى