(( شيء من الخوخ ))

من وحي قصه
فيلم شيء من الخوخ 2008
المقرره علي طلبه الوطن العربي ( 1980 – 2900 )
donkey
جحافل
الفرسان تفزع القريه وعتريس المستبد يرتع في البلاد في عز النهار يحتكر
خيرات القريه الذكيه تحت حمايه كبير الياوران رشدي وسيد العصفوري وفي كل
وقفه يقوم عتريس برفع الاتاوه وخطف الاطفال وسم الجاموس
حتي وقع في حب
فؤاده فكسرت نفسه وماطلشي منها حاجه وفتحت الهاويس وانتهي امر عتريس
ورجالته في مشهد مهيب بخروج الشيخ براهيم الصامت من خلفه جموع من البشر
الهزيله والتي اصبحت اسود وفرسان القريه ليخرج منها 1000 عتريس في فيلم اخر
.
اجب عن الاسئله التاليه ( جميع الاسئله اخياريه ) :
1- جمع كلمه ( عتريس ) وضعها في جمله مفيده
2- مرداف ( عز – يحتكر ) وضع الاولي في خبر والثانيه في السوق
3- حدد موقع( القريه الذكيه ) من النص وازكر اهميتها بعد كلمه يحتكر
4- اعرب كلمه ( وقفه - الاتاوه )
5- حدد نوع الظرف في تحت حمايه ( ظرف مكان - ظرف طارق - ظرف فاضي ) ؟
6- لعب الشيخ براهيم دورا في تهدائه اهل القريه حتي اصابه شر عتريس فخرج عن صمته اكتب مايمليه عليك ضميرك وخد راحتك ؟
766unt
اختار الاجابه مابين الاقواس :
1-
اصر كاتب القصه علي ان تقوم فؤاده وهي واحده ست بفتح الهاويس علشان (
الفيلم مفهوش رجاله – الرجاله كانت في الديسكو – الرجاله كانت في شارماخيا –
الرجاله كانت ورا فؤاده ) ؟
2- فؤاده كانت بتحب عتريس في اول الفيلم لانه (صاحب عز– صاحب صاحبه – صاحب قلب ابيض ) ؟
3-
فؤاده كرهت عتريس في نهايه الفيلم لان ( الواد ابو قلب لين صبح غير الولد –
ضاع منه قلبه الابيض وسط صريخ البلد – الواد طالع لجده ) ؟
4- اصر
عتريس علي جوازه من فؤاده ( لانه في اول الفيلم اعطاها عروسه حلاوه – لانه
قالها متبصيش في عنيا بتفزعيني – لانه كان بيعمل شات معاها ) ؟
5- ليه
الجد ضرب عتريس بالقلم لما شاهده بيلعب بالحمامه ( لانه عايزه يبقي راجل –
عايزه يبقي طيار - لانه كان بيلعب في الحمامه بتاعه جده ) ؟



6- نهج عتريس طوال الفيلم مبداء رفع الاتاوه ( طاء طاءين – طاء تلاته – طاءطاء وريكا وكاظم بيه ) ؟
7-
ليه فؤاده اتاخرت في فتح الهاويس علشان ( موكب عتريس كان معدي والطريق
واقف – كانت منتظره راجل يعملها وفقدت الامل في الرجاله – علشان بلدها
عالترعه بتسغل شعرها ) ؟
8- عتريس في فرح كبير الياوران رشدي قال عباره
شهيره عندما قدم له النقوط بقصد جمع اتاوه من اهل البلد ( نوقطك يارشدي –
هاظبك يارشدي - هافوترك يارشدي ) ؟
9- ليه الشيخ براهيم حكيم القريه
مقدرشي يتكلم طول الفيلم غير لما ابنه مات ( لانه كان لازم يتكلم الفيلم
هايخلص – لان معدشي حاجه يخاف عليها - لان نوبه الري اتاخرت ) ؟
10- ليه
الشيخ براهيم اختار توقيت عبارته الشهيره جواز عتريس من فؤادة باطل ( لانه
ماكنشي فاضي كان بيروي القطن - لان رجاله عتريس هربوا - لانه لو كان قالها
قبل كدا كان النور هايقطع )
11-يرجع سبب تحول اهل القريه في نهايه
الفيلم الي اسود ( علشان الفيلم هايخلص وعتريس مش هايقدر يعملهم حاجه –
علشان الشيخ براهيم معاهم - علشان فؤاده فتحت الهاويس ) ؟
12- رشدي حب
يلعب دور عتريس بعدما احس ( ان نهايه عتريس قربت – مايفعله رجل يستطيع اي
رجل اخر ان يفعله - خيانه عتريس لرشدي مع زوجته وهربوه من الشباك ) ؟
13-
رشدي لما راح لاهل القريه لوحده وقالهم وحياه النبي انا عتريس خافوا مني
مابتخافوش ليه ( اهل القريه خافوا ودفعوا له – ضحكوا عليه ورموه بالطوب -
سرقوا منه الحصان بتاعه والموبيل والفيزا كارت ) ؟
766unt

اكتب مايمليه عليك ضميرك :
1- هل عتريس كان شريرا بطبعه ولا الظروف والجاه والسلطه السبب ولزوم الدراما العربيه
2- كم مره تعاطفت مع عتريس ؟
- عند هروب صوحابه في نهايه الفيلم وموته مخنوق ؟
- لما فؤاده كسرت نفسه وزلته ؟
- لما فؤاده اتحدته وفتحت الهاويس ؟
ماذا تفعل لو كنت مكان :
1- الشيخ براهيم في مشهد قتل ابنه في يوم فرحه ؟
2- محمد حافظ لما بيجوز بنته فؤاده مجبرا ؟
3- المأزون ؟
4- رشدي لما عرف ان عتريس بيخونه مع مراته ؟
5- الارض اللي جفت وبتقول غيتووووووووني ؟
6- الحمامه اللي ادبحت ؟
اكثر المشاهد اثاره من وجهه نظرك :
1- لما الجد ضرب عتريس القلم ودبح الحمامه ؟
2- لما الجد كان بيموت وحلف عتريس وقاله احلف وراس جدك عتريس تاخد بتاري ؟
3- لما رجاله عتريس وضعوا راس واحد من الدهاشنه في الطين ؟
4- لما رجاله عتريس موتوا البقره ؟
5- لما فؤاده فتحت الهاويس وراح لها عتريس بص في عنيها وهرب ؟
6- لما سيد العصفوري مات في فرح رشدي وهو رايح يجيب ازازه ويسكي ؟
اي من شخصيات الفيلم اقربها الي قلبك :
- المستبد عتريس البطل ؟
- المهرج رشدي كبير العسس بتاع عتريس ؟
- اللص الشريف سيد العصفوري ؟
- الدماغ الشيخ براهيم عاقل القريه اللي مش بيتكلم غير لما المصيبه تجي له في اهله ؟
- الضحيه بن الشيخ براهيم الفلاح ابو قلب ابيض اللي ملوش في الدنيا غير الارض وحببيته ؟
- الجبان محمد حافظ والد فؤاده ؟
- الامل فؤاده رمز العناد والتحرر ؟
- الضلالي الماذون ؟
- الراقصة انعام مرات رشدي ؟
-----------------
ههههههههههههههههههههههههههههههه
وإن شاء الله لم ينجح أحد
ههههههههههههههههههههههههههه